Pas rezultateve zyrtare Sejdiu thotë se do të kërkojë fillimin e bisedimeve për konstituimin e shpejtë të qeverisë

Dëshiroj me këtë rast të vlerësoj lart procesin e zgjedhjeve të organizuara në Kosovë më datë 17 nëntor, në të cilat qytetarët e Kosovës treguan pjekuri të lartë politike duke qenë pjesëmarrës të rëndësishëm në një proces me domethënie të veçantë në të cilin po kalon Kosova. Megjithatë, duhet të shpreh keqardhjen time për përqindjen e ulët të pjesëmarrjes së qytetarëve të Kosovës në këto zgjedhje, edhe pse kjo nuk e zbeh shkallën e lartë të kulturës demokratike të demonstruar.